Trail largo: 24,5km
1130m
A distancia que nos deixará ver a
ría de Corme-Laxe e o Atlántico polo outro lado.
Coa saída dende a pequena praza
do Pan, percorreremos uns poucos metros pola estrada principal á vila, para
meternos (como o trail curto) cara o paseo das Praia Arnela e Osmo, saíndo polo
sendeiro cara a Praia Hermida, que percorreremos ata o final e que nos levará á
liña eléctrica para sair xa cara os montes de Corme e Balarés. Sendeiros que
nos unirán entre pistas e camiños, sempre pola cara sur do monte, disfrutando
das vistas da ría. O percorrido será idéntico ao curto ata pasar os repetidores
(ver descrición do trail curto). A
partires de aí, comezaremos unha pequena baixada rota que nos levará a
un bosque encantado. O sendeiro levaranos despois a unha “parede” curta pero
que nos acordaremos dela. Non tardaremos en seguir o rastro dos animais xogando
entre a vexetación. Durante varios km teremos zonas moi rápidas e con planicies
que de vez en cando nos levarán a sendeiros abertos entre a vexetación. Para
ver o Atlántico temos que cambiar de monte, e farémolo despois de superar un
túnel por debaixo da estrada. Espéranos ao outro lado un dos avituallamentos. Subiremos
un pequeno tramo da vía romana para logo poñer velocidade de cruceiro durante
un bo anaco. Voltaremos a cruzar o monte por un sendeiro que nos levará a torre
do Faro de Brantuas, onde poderemos contemplar a ría e o atlántico. Comezamos a
baixada por un pequeno tramo de pista para meternos nunhas rochas e ver o
atlántico dende un lugar privilexiado. Ollo coa baixada. Os animais abríronos
de novo o camiño. Non tardaremos en ver unha baía tranquila, en silencio, que
fará olvidarnos do esforzo feito ata o de agora.
Unha pequena subida de asfalto
levaranos a outra das subidas da xornada. O cortalumes de Guxín que, aínda que
curto, xa as forzas non son moitas. Dende aquí, prácticamente é toda chan e
baixando. Un centos de metros por debaixo da liña eléctrica levaranos a uns
camiños cada vez máis amables. Pasada de novo a estrada esos camiños fanse máis
cómodos e gozaremos da súa compañía prácticamente ata a entrada da vila. O
pavillón indicaranos que estamos preto da meta. Unha última subidiña para
contemplar a ría dende o alto de Corme será o prelúdio que agora si, xa estamos
prácticamente na meta. Unhas escaleiras levarannos á estrada principal, a meta
está localizada. Parabéns polo esforzo.
