O venres 9 de agosto, tivo lugar a presentación do Trail Terras de Pondal no Edificio dos colexios, con presenza da prensa local entre os asistentes.
Falaron por este orden, Quito González como director de carreira e presidente do Club Brigantia Aventura, Miguel Cousillas, como presidente da Agrupación Deportiva Abellariza, Modesto Parga, como representante da agrupación de Protección Civil de Ponteceso, Raquel Fondo, como concelleira de Turismo, Deporte, Festexos e Dinamización Económica e o alcalde Xosé Lois García Carballido, que pechou o acto.
